16/12/2013 09:49:11

Zgjedhjet e para në veri të Kosovës

Në komunën me shumicë serbe u shpall fitues iniciativa qytetare ''Srpska''

PRISHTINË - Rivotimi i pjesëshëm në balotazhin për kryetar komune, dje në Partesh, përmbylli votimet e zgjedhjeve lokale në Kosovë, të zhvilluara në 3 nëntor dhe në raundin e dytë në 1 Dhjetor, për herë të parë në gjithë territorin, përfshirë veriun.

Në Kosovën me gjithësej 38 komuna, Parteshi është një nga 10 komunat me shumicë serbe, ku fituan subjektet e tyre politike, ndërsa, sipas rezultatit paraprak të shpallur mbrëmë nga KQZ, kryetar u zgjodh kandidati nga Iniciativa Qytetare "Srpska", e cila ka dalë fituese në gjithësej 9 komuna, ndërsa partia serbe SLS në një komunë dhe nuk arriti të fitojë dje edhe të dytën.

Në Partesh, rezultati paraprak i tërësishëm i balotazhit, votimit në 1 Dhjetor dhe rivotimit dje, është: Dragan Nikolic i Iniciativës Qytetare "Srpska" (G. I. Srpska) ka fituar 1 398 vota - 52.4%, ndërsa Nenad Cvetkovic nga subjekti tjeter serb Partia Liberale e Pavarur (Samostalna Liberalna Stranka - SLS) ka marrë 1 272 vota - 47.6%.

Në votimin e përsëritur për raundin e dytë për kryetar komune në një qendër me tre vendvotime dje në Partesh pjesëmarrja ishte e lartë - 68.78% ose 1 304 votues nga 1 896 sa ishte numri i përgjithshëm.

Parteshi është një komunë e vogël, një nga pesë komunat e reja me shumicë serbe të Paketës Ahtisaari, me territor gjithësej 29 km katrore e 5.217 banorë, sipas të dhënave në faqen zyrtare. Ndodhet në rajonin e Gjilanit, në lindje të Kosovës. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin